Վիետնամում ՀՀ դեսպանությունը մասնակցությունը ՎՍՀ ԱԳՆ կողմից կազմակերպված ամենամյա «2019 INTERNATIONAL FOOD FESTIVAL» բարեգործական տոնավաճառ-փառատոնին:

09 դեկտեմբերի, 2019

Դեկտեմբերի 9-ին Վիետնամում ՀՀ դեսպանությունը մասնակցեց ՎՍՀ ԱԳՆ կողմից կազմակերպված ամենամյա «2019 INTERNATIONAL FOOD FESTIVAL» բարեգործական տոնավաճառ-փառատոնին, որին մասնակցում էին Վիետնամում հավատարմագրված 38 երկրների դեսպանություններ, ինչպես նաև երկրի մարզային տաղավարները։ Փառատոնին այցելել են մեծ թվով Հանոյի բնակիչներ և օտարերկրյա հյուրեր։

Կազմակերպիչների կողմից հրատարկվել է Փառատոնի մասնակից երկրների ազգային ուտեստների ամենամյա խոհարարական գիրքը, որում առաջին անգամ ներկայացվել է նաև հայկական խոհանոցը: Այս հրատարակության համար դեսպանությունը ներկայացրել է տոլման։

«2019 INTERNATIONAL FOOD FESTIVAL»-ի կազմակերպիչների կողմից ՀՀ դեսպանությունը պարգևատրվել է բարձր գնահատականի հավաստագրով։ Տոնավաճառից ստացված հասույթը նվիրաբերվել է Վիետնամում բարեգործական ծրագրերի իրականացման նպատակով։

ՀՀ Դեսպանությունն իր երախտագիտությունն է հայտնում այն բոլոր գործարարներին ու ընկերություններին, որոնք իրենց մասնակցությունն են բերել տոնավաճառին՝ տրամադրելով իրենց ապրանքատեսականուց:

Հատուկ շնորհակալություն` Վարդան Մուրադյանին, Էմիլ Ստեփանյանին/Biella, Կարեն Խաչիկյանին/Abrikon, Լեռնա Տաբակյանին/Honey.am, Ինկա Իսահակեան-Արապեանին/Vozni, Նելլի Ասատրյանին/SweetNella, Armenian Kingdom թեյերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր